નવરાત્રીએ માતાજીની આરધના સાથે જોડાયેલો તહેવાર છે. ગુજરાતીઓ નો સૌથી પ્રિય અને આખા વિશ્વમાં ગુજરાતીઓનું નામ રોશન કરનાર આ તહેવારની બોલબોલા હવે તો વિદેશમાં પણ થવા લાગી છે. વિદેશી ભુરીયાઓ પણ હવે ભારતીય સંસ્કૃતિમાં રસ દાખવવા લાગ્યા છે..
અત્યારે ગુજરાતમાં ગુજ્જુઓ પાછળના બે વર્ષ નવરાત્રી નોહતી થઈ તેનું સાટુ આ વર્ષે વાળવા માટે સાંજે દાંડિયા લઈને મેદાનમાં ઉતરી જાય છે ત્યારે વિદેશમાં પણ ભુરીયાઓ ગરબાના તાલે ઘૂમતા હોઈ તેવા વિડીયો સોશિયલ મીડિયામાં વાયરલ થઈ રહ્યા છે. આ વિડીયો જોઈને તમે પેટ પકડીને હસવા લાગશો..!
ગરબાનો ક્રેઝ ફક્ત ભારતીયોને જ નહીં પરંતુ વિદેશી લોકોને પણ છે. વિદેશમાં રહેતા ભારતીય લોકોની સાથે સાથે કેટલાક ફિરંગીઓ પણ ગરબાની તાલે નાચતા જોવા મળે છે. હાલમાં એવો જ એક વીડિયો સોશિયલ મીડિયામાં વાયરલ થઇ રહ્યો છે જેને જોઇને તમને પણ મજા આવી જશે અને તમે પણ તમારા પગ થિરકાવવા લાગશો.
આ વિડીયોમાં અમેરીકાના ડાન્સિંગ ડેડ Ricky Pond ને તો તમે સૌ ઓળખતા જ હશો. તેઓ સોશિયલ મીડિયા પર ખૂબ લોકપ્રિય છે. તે ઘણા બોલીવૂડ સોન્ગ પર ડાન્સ વીડિયો બનાવીને અપલોડ કરી ચૂક્યા છે. તેમની લોકપ્રિયતા એટલી બધી છે કે વીડિયો અપલોડ કરતા જ તેના પર લાખો વ્યૂઝ આવી જાય છે.
હાલમાં લવયાત્રી ફિલ્મના સોન્ગ છોગાડા તારા પર બાળકો સાથે ગરબાના તાલે ઝૂમતા જોવા મળ્યા છે. રિકી પોન્ડ અને તેમની સાથેના બાળકોએ આ નવા વીડિયોમાં દરેક સ્ટેપ્સનું સંપૂર્ણ રીતે સંકલન કર્યું છે. પોન્ડ અને બાળકો પરંપરાગત ભારતીય પોશાક પહેરીને ગરબા રમી રહ્યા છે. આ વીડિયો 8 ઓક્ટોબરના રોજ પોસ્ટ કરવામાં આવ્યો હતો અને અત્યાર સુધીમાં 22 હજારથી વધુ વ્યૂઝ છે.
View this post on Instagram
સોશિયલ મીડિયામાં લોકો આ વીડિયો પર પોતાની વિવિધ પ્રતિક્રિયાઓ નોંધાવી રહ્યા છે. લોકો રિકીના આ વીડિયોને પણ ખૂબ પસંદ કરી રહ્યા છે. આ વીડિયો હવે અન્ય સોશિયલ મીડિયા પ્લેટફોર્મ પર પણ શેયર કરવામાં આવી રહ્યો છે. સોશિયલ મીડિયામાં આ પ્રકારના વીડિયો વાયરલ થતા સમય નથી લાગતો. આ પહેલો વીડિયો નથી કે જેને લોકોએ આટલો પસંદ કર્યો હોય. રિકી જ્યારે પણ કોઇ વીડિયો પોસ્ટ કરે છે તે તરત જ વાયરલ થઇ જાય છે.
લેખન સંપાદન : Gujarat posts Team ( ગુજરાતનું અગ્રેસર ન્યુઝ અને ઇન્ફોર્મેશન પોર્ટલ ) [તમે આ લેખ Gujaratposts.com ના માધ્યમ થી વાંચી રહ્યા છો,’આ લેખમાં સમાવિષ્ટ કોઈપણ માહિતી / સામગ્રી / ગણતરીની ચોકસાઈ અથવા વિશ્વસનીયતાની બાંહેધરી નથી. આ માહિતિ તમને વિવિધ માધ્યમો એકત્રિત કરીને તમને મોકલવામાં આવી છે. અમારો ઉદ્દેશ ફક્ત માહિતી પહોંચાડવાનો છે, કોઈ પણ ધર્મ કે સમુદાય ની લાગણીને ઠેસ પોહ્ચાડવાનો નથી.]