ઉત્તર પ્રદેશ રાજ્યના લલિતપુર જિલ્લામાં એ ખૂબ જ શરમજનક ઘટના સામે આવી છે. લલિતપુરની એક સરકારી શાળાના શિક્ષક દ્વારા અનેક મહિલાઓ સાથે ખુબ જ ખોટું કર્યા હોવાનું સામે આવ્યું છે. સરકારી શાળાના આ શિક્ષક દ્વારા કરવામાં આવતા આ કાળા કાર્યો બહાર પડ્યા ન હતા. પરંતુ ગઈકાલે એક મહિલા દ્વારા આ શિક્ષકની પોલ ખોલી દેવામાં આવી છે.
આ મહિલાએ જણાવ્યું હતું કે થોડા દિવસો પહેલા તેઓ સ્વયમ સહાયતા સમૂહને ટ્રેનિંગ આપવા માટે આવ્યા હતા. તેની સાથે અન્ય ઘણી મહિલાઓ પણ આ કાર્ય અર્થે તેની સાથે આવી હતી. તેઓ ટ્રેનિંગ બાદ શાળામાં આરામ કરવા માટે રોકાયા હતા. તે દરમિયાન આ શિક્ષકે તમામ મહિલાઓને તેની જાળમાં ફસાવ્યા હતા.
આ ઉપરાંત તેમની સાથે ખુબ જ ખરાબ હરકતો કરી હતી. આ સમયે તેણે તેના ફોનમાં આ મહિલાઓ ના ફોટો અને વિડીયો બનાવી લીધા હતા. આ શિક્ષક દ્વારા તે મહિલાઓને આ બાબતની જાણ કોઈને પણ ન કરવા માટે ધમકાવવામાં આવી આવ્યા હતા. તે મહિલાના જણાવ્યા પ્રમાણે આ શિક્ષક અનેક મહિલાઓને નોકરી આપવાના બહાને બોલાવતો હતો અને તેની સાથે ખરાબ હરકતો કરતો હતો.
ધર્મેન્દ્ર કુમાર નામનો આ શિક્ષક જાલૌન ગામનો મૂળ રહેવાસી છે. પરંતુ તે થોડા વર્ષોથી શાળાની નજીકમાં આવેલા નવાઈ ગામમાં રહે છે. તે ત્યાંની પ્રાથમિક શાળામાં સહાયક અધ્યાપક તરીકે ફરજ નિભાવે છે. જાણકારી મુજબ ધર્મેન્દ્રના લગ્ન એક વર્ષ પહેલા થયા હતા. પરંતુ લગ્નના થોડા સમય બાદ જ ધર્મેન્દ્ર તેની પત્નીને પિયર મોકલી દીધી હતી.
ત્યારબાદ તેની પત્ની ક્યારેય સાસરે આવી ન હતી. જ્યારે તેની પત્નીને ધર્મેન્દ્રના આ કાળા કામો વિશે જાણ થઈ ત્યારે તેણે ગામના પ્રધાન ની મદદ માગી હતી. તેણે ગામના પ્રધાનને જણાવ્યું હતું કે તેનો પતિ તેને પોતાની સાથે રાખતો નથી. તેમજ શાળામાં અન્ય મહિલાઓ સાથે ખરાબ કાર્યો કરે છે.
તેથી ગામના પ્રધાનએ ગ્રામપંચાયતની મીટીંગ બોલાવી અને તેમાં ધર્મેન્દ્રને પણ બોલાવ્યો હતો. જેમાં ગામના તમામ લોકોએ ધર્મેન્દ્રને સમજાવ્યું હતું પરંતુ તેણે તેની પત્નીને પોતાની સાથે રાખવાની ના પાડી દીધી હતી. તેમજ તેણે પોતાના ફોનમાં રહેલા તમામ વિડિયો વાયરલ કરી દીધા હતા.
ધર્મેન્દ્રનું આ વર્તન જોઈને ગામપ્રધાન દ્વારા શિક્ષક વિરુદ્ધ કડકમાં કડક કાર્યવાહી કરવામાં આવે તેવી ફરિયાદ નોંધાવી હતી. પ્રધાનએ પોલીસ સ્ટેશનમાં ફરિયાદ નોંધાવતા કહ્યું હતું કે આ ધર્મેન્દ્ર શિક્ષકના નામ પર કલંક છે. તેમજ તે અમારા ગામનું નામ બદનામ કરી રહ્યો છે. નવાઈ ગામના પ્રધાનની આ ફરિયાદ જિલ્લા અધિકારીએ ગંભીરતાથી લીધી હતી.
તેમજ ધર્મેન્દ્ર વિરુદ્ધ તપાસના આદેશો આપ્યા હતા. ધર્મેન્દ્ર વિરુદ્ધ લગાવેલા તમામ આરોપો સાચા સાબિત થવાને કારણે તેને સસ્પેન્ડ કરી દેવામાં આવ્યો છે. તેમજ તેના પર આગળની કાયદેસરની કાર્યવાહીઓ શરૂ કરવામાં આવી છે. આ મામલો ખુબ જ ચોંકાવનારો સાબિત થયો છે.
લેખન સંપાદન : Gujarat posts Team ( ગુજરાતનું અગ્રેસર ન્યુઝ અને ઇન્ફોર્મેશન પોર્ટલ ) [તમે આ લેખ Gujaratposts.com ના માધ્યમ થી વાંચી રહ્યા છો,’આ લેખમાં સમાવિષ્ટ કોઈપણ માહિતી / સામગ્રી / ગણતરીની ચોકસાઈ અથવા વિશ્વસનીયતાની બાંહેધરી નથી. આ માહિતિ તમને વિવિધ માધ્યમો એકત્રિત કરીને તમને મોકલવામાં આવી છે. અમારો ઉદ્દેશ ફક્ત માહિતી પહોંચાડવાનો છે, કોઈ પણ ધર્મ કે સમુદાય ની લાગણીને ઠેસ પોહ્ચાડવાનો નથી.]